marathi">

नेबर्स चित्रपटाचे संगीत प्रकाशन आणि ट्रेलर लाँच सोहळा थाटामाटात संपन्न

 

 
 
|मिठुवाला प्रौडक्शन्स| आणि  “कल्पना रोलिंग पिक्चर्स प्रौडक्शन| निर्मित यांचे सादरीकरण असलेल्या |नेबर्स ||  चित्रपटाचा संगीत प्रकाशन आणि ट्रेलर लाँच सोहळा नुकताच मुंबईतील एका सभागृहात संपन्न झाला. निर्माते हितेश पटेल आणि दिग्दर्शक विनय श्रीरंग घोलप यांच्या या चित्रपटात एका तरुणीची गूढरम्य कहाणी चित्रित करण्यात आली आहे. या सोहळ्याला चित्रपटातील कलाकार, दिग्दर्शक, निर्माते आणि इतर सहकारी यांची उपस्थिती होती.
 
विज्ञान-तंत्रज्ञानाची कल्पनारम्य कथा असलेल्या या चित्रपटात चेतन चिटणीस, कृतिका गायकवाड, सिद्धार्थ बोडके, प्रसाद जावडे, शैलेश दातार, नेहा बंब, अदिती येवले आदी कलाकारांच्या प्रमुख भूमिका आहेत. आता ही तरुणांचे टीन चित्रपटात काय धमाल उडवते हे पाहणे रंजकतेचे ठरेल.
 
दिग्दर्शक विनय घोलप यांचीच पटकथा असलेल्या या चित्रपटाचे संवाद हृषीकेश कोळी आणि विनय घोलप यांनी लिहिले आहेत तर छायालेखनाची  महत्वाची जबाबदारी कॅमेरामन आशुतोष आपटे यांनी सांभाळली आहे. गीतकार मंगेश कांगणे यांच्या गीतांना संगीतकार निषाद यांनी स्वरसाज चढविला आहे. पार्श्वसंगीतही त्यांनीच दिले आहे. गायक नकाश अजीज, अरमान मलिक, अवधूत गुप्ते, रितिका निषाद, देवश्री मनोहर आणि कृष्णा बोंगाणे आहेत. श्री गुरु पाटील आणि महेश किल्लेकर यांनी संकलन केले असून चित्रपटाची तांत्रिक बाजू  विशाल तालकर (VFX), भूषण दळवी (डीआय), आणि दिनेश उचिल व शंतनू अकेरकर (ध्वनी-रेखन), अनुप देव आदी तंत्रज्ञांनी सांभाळली आहे. चित्रपटाचे कार्यकारी निर्माते राहुल भोसले असून कला दिग्दर्शन संजीव राणे यांनी केले आहे. वेगळ्या विषयाला हात घालणारा "नेबर्स" हा चित्रपट येत्या २० मार्चला संपूर्ण महाराष्ट्रात प्रदर्शित होत आहे.  
 
By - समीर अहिरे.

Leave a comment